မြန်မာရွှေမြေ: “““ ဆဲ … ဆဲ …. ဆဲကြပါ … များများ ဆဲကြပါ ”””

Tuesday, December 4, 2012

“““ ဆဲ … ဆဲ …. ဆဲကြပါ … များများ ဆဲကြပါ ”””

၁။ မရေးတော့ဟု ဆုံးဖြတ်မိသော်လည်း ဆရာတစ်ပါးမှ အကူအညီတောင်းသဖြင့် တစ်ကြောင်း၊ ဂျာနယ် လစ် တစ်ဦး၏ တာဝန်မဲ့အဖြေကို စိတ်ထဲတွင် ခိုးလိုးခုလုဖြစ်သဖြင့် တစ်ကြောင်းကြောင့် ရေးမိ ရပါ သည် ။ ရှေ့တစ်လှမ်းတိုး၊နောက်နှစ်လှမ်းဆုတ်စမ်းဟု စိုင်းထီးဆိုင် သီချင်းပင် ညည်းချင်လာပါသည်။

၂။ ဝေေ၀စီစီ လက်ပတောင်းကိစ္စ ပင်ဖြစ်ပါသည်။ မုံရွာမှ မန္တလေးသို့ သံဃာများပြောင်းရွေ့ကြ သည် ။ ဆေးရုံက ဆေးမှတ်တမ်းတွင် ရာဇ၀တ်မှု လူနာဟု တုံးထုပေးလိုက်သည်။ ဖေ့စ်ဘုတ်ပေါ်တင်၍ ဖွသူက ဖွသည်။ ဆဲသူကဆဲသည်။ ဆရာဝန်များကို အမျိုးနှင့်ချီ၍ ငါကိုင်တုတ်သူက တုတ်သည်။ ကောင်းပါသည်။ ဇာတိမာန်ထက်သန်ကြပါလေဟု မပြောပဲနေမိပါသည်။ ဂျာနယ်လစ်တစ်ယောက်က ရှယ်ပေးသည်။ သိ သူက ရှင်းသောအခါ၊ မသိဘူးလေ၊ သူပြောတဲ့အတိုင်းတင်ပေးတာပဲဟု ဆိုသည်။ အလွန်အင်မတန် တာ ၀န်ယူမှုပြည့်ဝပါပေသည်။

၃။ ရာဇ၀တ်မှုလူနာသည် ရာဇ၀တ်သားလူနာဟုပြောခြင်းမဟုတ်ပါ။ ဘာသာပြန်လည်းလိုပါလိမ့်မည်။ ယ ခင်က ရဲအရေးယူပိုင်ခွင့်ရှိသော အမှုကိုပြောခြင်းလားမသိ။ အမှန်တော့ police case ကို ပြန် ထားခြင်းဖြ စ်ပါသည်။ ရာဇ၀တ်သားကိုမှ ဆေးရုံက တံဆိပ်တုံးထုပေးခြင်းမဟုတ်ပါ။ ကားတိုက်ခံရသူဖြစ်စေ၊ အရိုက် ခံရသူဖြစ်စေ ရဲစစ်ချက်ယူနိုင်ရန် မှတ်တမ်းတင်ထားခြင်းဖြစ်ပါသည်။ ဆေးရုံတွင် တာဝန်ကျသောရဲမှ မှတ် တမ်းစစ်ချက်ယူထားနိုင်ရန်ဖြစ်သည်။ ခံရသူကဖြစ်ဖြစ်၊ လုပ်သူက ဖြစ်ဖြစ် တိုင်ချက်ဖွင့်လာလျှင် သက်သေ သက္ကာယရှိနေစေရန်ဖြစ်သည်။ လူနာအတွက် အထောက်အကူရစေရန်သာဖြစ်သည်။ ကျူးလွန်ခံရသူက ကျူးလွန်သူအပေါ် ထိရောက်စွာတိုင်တန်းနိုင်ရေးအတွက်သာ ဖြစ်ပါသည်။

၎။ ထိုမျှလောက်ကိစ္စကိုတော့ ဂျာနယ်လစ် ဆိုသူများ သိသင့်ပါသည်။ မသိလျှင်လည်း သိအောင်လုပ် ရပါ မည်။ “သိဘူးလေ သူပြောတဲ့ အတိုင်းတင်ပေးတာ” ဆိုသည်ကတော့ တာဝန်မဲ့လွန်းပါသည်။ ကျုပ်က ဂျာ နယ်လစ်အနေနဲ့တင်တာမှမဟုတ်ပဲ။ ဖေ့ဘုတ်မှာ ပြန်ရှယ်တာပဲဗျာဟု ပြောလိုကပြောပါ။ ပြည်သူကမူ ဂျာ နယ်လစ်တင်သောစာကို ပို၍တိကျသော အမှန်တရားအဖြစ် လက်ခံပါသည်။ ပို၍ လေးစားစွာ အမှန်ဟု ခံ ယူပါသည်။ ထို့အတွက် တာဝန်မယူသည့်တိုင် တာဝန်ကမူ ရှိနေပါမည်။

၅။ မြန်မာတို့၏ ဆွမ်းကြီးလောင်းချင်သော စိတ်ဓာတ်ကိုလည်း အံ့သြရပါသည်။ ဆဲပါသည်။ ရေရေ လည် လည်ဆဲပါသည်။ နှစ်ပေါင်းများစွာ ခါးစည်းခံရသူတို့က နိုင်ငံအတွက် ခ၀ါချ၍ လက်တွဲနေသည့်တိုင် အရေး အခင်းကာလတွင် မွေးပင်မမွေးသေးသော သူလေးတို့က ဇာတိမာန်ဇာတ်ိသွေး ထက်သန်ပြနေသည်မှာ ရယ်စရာလည်းကောင်း၊ စိတ်ညစ်စရာလည်းကောင်းပါသည်။ ပိုဆိုးသည်မှာ ငါနှင့် မတူ ငါ့ရန်သူစိတ်ဖြင့် လွတ်လပ်စွာ တွေးကြည့် တောကြည့်သူများအား ပယ်ပယ်နယ်နယ် ဆဲနေကြခြင်းကို စိတ်မချမ်းသာစ ရာမြ င်နေရပါသည်။

၆။ ဖေ့စ်ဘုတ်တွင် မပြောရဟု မရှိပါ။ ပြောနိုင်ပါသည်။ မြန်မာပြည်နိုင် ငံရေးတွင် ဖေ့စ်ဘုတ် သည် နေ ရာ တစ်ခုရလာခဲ့ပါပြီ။ သို့သော် သံကို သံကပင်ဖျက်၍ သံချေးတက်ခဲ့ရပါသည်။ ကိုယ့်ကိုယ်ကို မင်းေ လာင်း ဟု ပြောသူကပြော၊ သဘောတူလျှင်ဖွ၊လက်ခုပ်တီး သဘောမတူလျှင် အားရပါးရဆဲနှင့် ဖြစ်ချင်တိုင်းဖြစ်နေ သည်ကတော့ ရုပ်ပျက်လွန်းပါသည်။ နင်က ဘယ်လောက်တတ်လို့တုန်းဟု သူရို့နားမလည်လျှင်မေးမည်။ လက်ဝေခံများအကြောင်းပြောလျှင် ဟိုလူကြီးက စားထားတာ ဒီထက်မကများသေးဟု ကြေးတိုက်မည်။ လိုသောစကားရရန် ဆရာတော်ကြီးများပင်မချန်ကိုးကားမည်။ ဆူရာရွေးနှုတ် သည်းခြေထုတ်၍ ကောက် နှုတ်မည်။ ကောင်းပါသည်။

၇။ ကောင်းပါသည်။ ကိုယ့် အရည်အချင်း အဆင့်အတန်းကိုများများ ပြကြရန် တိုက်တွန်း လိုသည်မှတပါး အခြားဆိုရန်မရှိ။