ကမ္ဘာနှင့်တူတဲ့ နောက်ထပ်ကမ္ဘာတခု ၂၀၁၃ နှစ်ထဲမှာ တွေ့လိမ့်မယ်

ကမ္ဘာနှင့်တူတဲ့ နောက်ထပ်ကမ္ဘာတခု ၂၀၁၃ နှစ်ထဲမှာ တွေ့လိမ့်မယ်  လို့ အာကာသသုတေသန ပညာရှင်များက ပြောလိုက်ပါတယ်။ ယနေ့ အထိ လူသားတွေရဲ့ နေစကြ၀ဋ္ဌာ (ကမ္ဘာဂြိုဟ်၊ မာကျူရီ၊ နက်ပကျွန်း၊ ပလူတို .. စတဲ့ solar system) ပြင်ပမှာရှိတဲ့ အခြားဂြိုဟ်အဖွဲ့အစည်း (Extrasolar planet) ရာပေါင်းများစွာကို ရှာဖွေတွေ့ရှိထားပြီး အချက် တစ်ခုနှစ်ခုမှာ (ဥပမာ- ဂြိုဟ်အရွယ်အစား၊ မျက်နှာပြင်အပူချိန်) ကမ္ဘာနဲ့တူတာတွေရှိကြပေမဲ့ ကမ္ဘာဂြိုဟ်နဲ့ လုံးဝတူညီတဲ့ ကမ္ဘာတခုကို မတွေ့နိုင်သေးပါဘူး။ အဲဒါက ၂၀၁၃ ခုနှစ်မှာပြောင်းသွား မယ်လို့ ပညာ ရှင်များက ပြောနေကြပါတယ်။

“ကမ္ဘာလိုတူတဲ့ ကမ္ဘာအမွှာတခု လာမဲ့နှစ်ထဲမှာ တွေ့ရမယ်ဆိုတာ ကျနော်လုံးဝယုံကြည်ထားပါတယ်“ ဟု Puerto Rico တက္ကသိုလ် အာကာသသုတေသနဌာန ဦးဆောင်သူ Abel Mendez က ဆိုပါတယ်။

NASA က လွတ်တင်ထားတဲ့ Kepler Space မှန်ဘီလူးကလည်း ၂၀၀၉ခုနှစ်မှာ လွှတ်တင်ပြီး ကတည်း က နေစကြ၀ဋ္ဌာပြင်ပရှိ ဂြိုဟ်ပေါင်း ၂၃၀၀ ခန့် တွေ့ရှိခဲ့ ပြီး ၁၀၀ လောက်ကို အတည်ပြုနိုင်ခဲ့ပါ တယ်။ ကမ္ဘာကြီးနဲ့ အရွယ်အစားတူတဲ့ ဂြိုဟ်တချို့တွေ့ရှိထားပေမဲ့ အဲဒီဂြိုဟ်တွေရဲ့ပတ်လမ်းကြောင်းတွေက သူတို့ရဲ့ကြယ်တွေနဲ့ သိပ်နီးကပ်နေတာကြောင့် သက်ရှိတွေနေထိုင်ဖို့ မသင့်တော်ဘူးလို့ ဆိုပါတယ်။

ဒါပေမဲ့ ကမ္ဘာနဲ့တူတဲ့ အမွှာကမ္ဘာဂြိုဟ်တခုကို တွေ့ရဖို့ endezတယောက်တည်းက ယုံကြည်ထားတာမ ဟုတ်ပါဘူး။ “ကမ္ဘာနဲ့ အရွယ်အစား၊ ပတ်လမ်းကြောင်း တူညီပြီး သက်ရှိတွေနေထိုင်နိုင်မဲ့ ပထမဆုံးသော ဂြိုဟ် တစ်ခုကို ၂၀၁၃ ခုနှစ်ထဲမှာ ကြေညာနိုင်မယ်လို့ ထင်ပါတယ်။“ ဟု အမေရိကန် ဘာကလေ တက္ကသိုလ် Kepler အဖွဲ့ဝင် Geoff Marcy က ပြောသွားပါတယ်။

“ကျနော်တို့လူသားတွေက ပင်လယ်ပြင်ကို ငေးမောကြည့်သလို ညအချိန်မှာ ကောင်းကင်ပေါ် ကို မော့ ကြည့်ရင်းစကြ၀ဋ္ဌာပင်လယ်ထဲမှာ သက်ရှိတွေ၊လူသား မျိုးနွယ်တခုလုံး နေထိုင်လို့ရ ထောက်ပံ့ မှုပေးနိုင်တဲ့ ကျွန်းများ တိုက်ကြီးများစွာ ရှိနေတယ်ဆိုတာ ကျနော်တို့သိလာမှာပါ။ အနီးဆုံးနေ ထိုင်နိုင်တဲ့ ကြယ်စုတွေ ဆီ စက်ရုပ်တွေပို့နိုင်ခြင်းဖြင့် ကျနော်တို့ Homo sapiens လူသားမျိုးနွယ်တွေ အတွက် တခါမှ မကြိုးစားဘူးတဲ့ အကြီးမားဆုံး တိုးတက်မှုတစ်ခု ဖြစ်သွားပါမယ်။ အဲဒီလိုအားဖြင့် ကျယ်ပြောတဲ့ စကြ၀ဋ္ဌာ ကမ်းခြေမှာ ရှိနေတဲ့လူသားတွေဟာ ရှင်သန်မှုရဲ့ အဓိပ္ပါယ်ဖွင့်ဆိုချက်အသစ်တွေနဲ့ စကြ၀ဋ္ဌာ ပင်လယ် ထဲကိုလျောက်လှမ်းသွားမယ့် ပထမဆုံးသောခြေလမ်းများ ဖြစ်ပါမယ်။ “ လို့ Marcy က ပြောသွားပါတယ်။