31.10.2012
ရာသီအကူးအပြောင်းကာလကို ရောက်လာတဲ့အတွက် တရုတ်-မြန်မာ နယ်စပ် ဗန်းမော်ခရိုင်းအတွင်းက ကချင်ဒုက္ခသည်စခန်းတွေမှာ နေထိုင်တဲ့ကလေးနဲ့သက်ကြီးရွယ်အိုဒုက္ခသည်တွေဟာ နွေးနွေးထွေးထွေး နေ ထိုင်နိုင်ဖို့ အ၀တ်အထည်နဲ့ ခြုံစရာစောင်တွေ လိုအပ်နေတယ်လို့ ဆိုပါတယ်။
ပြီးခဲ့တဲ့ ၆ လလောက်က ပေးထားခဲ့တဲ့ စောင်တွေဟာ စုတ်ပြဲလာပြီးတော့ ရာသီအကူးအပြောင်းမှာ ဒုက္ခ သည်တွေအတွက် စောင်နဲ့ အနွေးထည်တွေ လိုအပ်တယ်လို့ ဒုက္ခသည်တွေကို အကူအညီပေးနေတဲ့ ၀ိန်ပေါင်နိန်းထွဲး အဖွဲ့က တာဝန်ခံ ဒေါ်မယ်ရီတွမ်က ပြောပါတယ်။အရင်က ပေးခဲ့တဲ့ စောင်တွေ ဟာ ငွေကြေး အခြေအနေ ကြောင့် အရည်အသွေး မကောင်းသလို အိမ်ထောင်စုများတဲ့ အိမ်တွေဆိုရင် အလုံအလောက်မရဘူးလို့ ဆိုပါတယ်။
ဒေါ်မယ်ရီတွမ်က “အခုက အရမ်းအေးတဲ့အချိန်ဖြစ်တယ်။ ကလေးတွေအတွက်ရော သက်ကြီးရွယ်အိုတွေ အတွက်ပါ စောင်တွေ၊ အနွေးထည်တွေက မလုံလောက်ဘူး၊ မရှိဘူး။ စောင်က မနှစ်တုန်း က ပေးထား တာတွေ ရှိသူကရှိတယ်။ တချို့အိမ်ထောင်စု လူဦးရေများတဲ့သူကျ မရဘူး ဖြစ်နေတယ်။ ကျမတို့ ပေး ထား တာတွေကလည်း ရှိတဲ့ငွေကြေးနဲ့ ဈေးပေါတာတွေ ပေးထားရတာဆိုတော့ စုတ်ပြဲတာလည်း ပြဲပေါ့။ ၁ နှစ်ကျော်လောက်လည်း ရှိနေပြီဆိုတော့လေ။”
ဝိန်ပေါင်နိန်းထွဲးအဖွဲ့ဟာ ဗန်းမော်ခရိုင် မိုးမောက်၊ မန်စီနဲ့ လွယ်ဂျယ်မြို့နယ်အတွင်းက ဒုက္ခသည်စခန်း ၇ ခုကို ထောက်ပံ့ပေးနေတဲ့ အဖွဲ့လည်း ဖြစ်ပါတယ်။
ရာသီအကူးအပြောင်းကြောင့် ကလေးတွေ နှာစေး၊ ချောင်းဆိုးဖြစ်နေကြသလို အရင် ဩဂုတ်လက တရုတ် အစိုးရ မောင်းထုတ်ခဲ့တဲ့ ဒုက္ခသည်တွေလည်း အခုအခါ ပြန်လည် ရောက်ရှိလာတဲ့အတွက် စခန်းတွေမှာ ဒုက္ခ သည်တွေ ထပ်များလာတယ်လို့ ဆိုပါတယ်။
တရုတ်နိုင်ငံက အိမ်ထောင်စု ၇၀၊ လူဦးရေ ၃၀၀ နီးပါးရှိတဲ့ ဒုက္ခသည်တွေ အခုရက်ပိုင်းအတွင်း ပြောင်းရွှေ့ လာတယ်လို့ ဒေါ်မယ်ရီတွမ်က ပြောပါတယ်။
ကုလသမဂ္ဂ ဒုက္ခသည်များဆိုင်ရာ အေဂျင်စီက ကချင်ဒုက္ခသည်တွေကို ထောက်ပံ့ကူညီပေးတဲ့ ပစ္စည်းတွေ ဟာ သက်ဆိုင်ရာ လက်နက်ကိုင် အဖွဲ့တွေရဲ့ ခွင့်ပြုချက် မရရှိတာကြောင့် ဗန်းမော်၊ မြစ်ကြီး နား မြို့တွေ မှာ သောင်တင်နေတယ်လို့ ပြီးခဲ့တဲ့ ရက်ပိုင်းက ပြောပါတယ်။ စစ်ပွဲကြောင့် သောင်းနဲ့ချီတဲ့ ဒုက္ခသည်တွေ တရုတ်-မြန်မာ နယ်စပ်မှာ ခိုလှုံနေရပါတယ်။
ကချင်နေစဉ်သတင်း
No comments:
Post a Comment
ရိုင်းစိုင်းကြမ်းတမ်းစွာ ဆဲဆိုမှုမပါသည့် မှတ်ချက်များကို မကြာမှီ ဖော်ပြပေးပါမည်။