မြန်မာအစိုးရနဲ့ ကချင်လွတ်မြောက်ရေးအဖွဲ့KIO
တို့ ဖြစ်ပွားနေတဲ့ ကချင်ပြည်နယ်အတွင်းက စစ်ပွဲများ အဆုံးသတ်
ချုပ်ငြိမ်းပြီး ငြိမ်းချမ်းရေး ရရှိနိုင်ရေးအတွက် ဒေါ်အောင်ဆန်းစုကြည်
အနေနဲ့ ကြားဝင်ဆောင် ရွက်ပေးသင့်ကြောင်း (PCG ) ကချင် ငြိမ်းချမ်းရေး
ဆွေးနွေးရေး အကျိုးဆောင်အဖွဲ့ က ဒီနေ့ ထုတ်ဖေါ်ပြောကြား ပါတယ်။
အစိုးရနဲ့ KIO တို့ ငြိမ်းချမ်းရေးဆွေးနွေးဖို့ PCG အဖွဲ့အနေနဲ့ စားပွဲဝိုင်းပေါ်ရောက်အောင် ပို့ပေးနိုင် ခဲ့ပေမဲ့ ဆွေးနွေးပွဲ စုစုပေါင်း ၁၁ကြိ်မ်ရှိသွားခဲ့ပြီး ရလဒ်အဖြေတော့ တစုံတရာမရရှိခဲ့ဘူးလို့ အကျိုးဆောင် အဖွဲ့က ဦးယွပ်ဇော်ခေါင်က ပြောပါတယ်။
ဒေါ်အောင်ဆန်းစုကြည်ဟာ ကချင်ပြည်နယ်ကို စည်းရုံးရေးခရီးစဉ် လာရောက်စဉ် ကလည်း ပြည်နယ်ငြိမ်း ချမ်းရေးရရှိဖို့ပြောဆိုခဲ့ဘူးကြောင်း ကချင်ပြည်နယ် ကို ဒေါ်အောင်ဆန်းစုကြည် ပစ်ပယ်ထားလိမ့်မယ်လို့ မမျှော်လင့်ကြောင်း ပြောဆိုပါတယ်။ငြိမ်းချမ်းရေးနိုဗယ်ဆုရှင် ဖြစ်နေပါလျက် ကချင် ဒုက္ခသည်များအား ပစ်ထားလျက် ပျော်ပွဲ ရွှင်ပွဲများ လုပ်ဆောင်နေသည်မှာ နိုဗယ်ဆုရှင် တစ်ယောက် ၏ လုပ်ပုံ ကိုင်ပုံနှင့် မ တူကြောင်းကိုလည်း ပြောပါတယ်။ယခု လက်ရှိမှာ ဆိုလျင်ဖြင့် ကချင် ပြည်သူများမှာ ဒေါ်စုအား အယုံ အ ကြည်ကင်းမဲ့နေပြီ ဖြစ်ကြောင်း ကိုလည်း ကချင် ဒုက္ခသည်စခန်းမှ တာဝန်ရှိသူများက ပြောကြားခဲ့ပါတယ်။
ကချင်ပြည်နယ်အတွင်း ကချင်လွတ်မြောက်ရေးအဖွဲ့ KIO အဖွဲ့ဟာ ၁၉၉၄ခုနှစ်က အစိုးရနဲ့ အပစ်အခပ်ရပ်စဲခဲ့ပြီး ၂၀၁၁ခုနှစ်မှာ နယ်ခြားစောင့်တပ်ဖွဲ့စည်းရေးနဲ့ပတ်သက်ပြီး အစိုးရနဲ့ သဘောထား ကွဲလွဲမူတွေဖြစ်ပြီးနောက် ကချင်ပြည်နယ်အတွင်း တိုက်ပွဲတွေ ဆက်တိုက် ဖြစ်ပေါ် လာတာဖြစ်ပါတယ်။
No comments:
Post a Comment
ရိုင်းစိုင်းကြမ်းတမ်းစွာ ဆဲဆိုမှုမပါသည့် မှတ်ချက်များကို မကြာမှီ ဖော်ပြပေးပါမည်။